Þáttaröðin er byggð á samnefndri bók Mike Herron, sem einnig skrifaði bækurnar sem Slow Horses þættirnir eru byggðir á. Emma Thompson er einn yfirframleiðenda þáttanna.
Natalie Bailey er aðalleikstjóri þáttanna og Morwenna Banks, sem meðal annars kom að skrifum á Slow Horses, er aðal handritshöfundur.
Þáttunum er svo lýst:
Þegar sprengja springur í húsi í kyrrlátu hverfi í úthverfi Oxford og stúlka hverfur í kjölfarið verður nágrannakona, Sarah Tucker (Wilson), heltekin af því að finna hana. Hún leitar liðsinnis spæjarans Zoë Boehm (Thompson) og saman lenda þær í flóknu samsæri sem leiðir í ljós að fólk sem talið var látið er enn meðal lifenda, meðan hinir lifandi byrja að týna tölunni.
