Sigurður Sverrir er einn af lykilmönnum þeirrar sköpunarbylgju sem kennd er við íslenska kvikmyndavorið, en ferill hans í kvikmyndagerð spannar tæplega sextíu ár. Hann stýrði kvikmyndatöku fimmtán íslenskra bíómynda, auk sjónvarpsmynda, stuttmynda og fjölda heimildamynda.
Í þessari klippu ræða leikstjórar sem hann vann með um Sigurð Sverri, listrænt innsæi hans og verkþekkingu, en ekki síður um það andrúmsloft sem honum fylgir í því flókna og margræða sköpunarferli sem felst í því að koma kvikmynd frá hugmyndastigi til sýningar. Sýnd eru brot úr fjölmörgum kvikmyndum sem hann filmaði.
