Endurgreiðslur nema um 10,5 milljörðum á undanförnum árum, um tveir þriðju til erlendra verkefna

True Detective á pari við dýrustu þáttaraðir

True Detective verkefnið fékk rúma fjóra milljarða í 35% endurgreiðslu, sem þýðir að kostnaður við verkefnið hér á landi hefur numið um 11.5 milljörðum króna (81.5 milljónum dollara). Þættirnir voru sex talsins og því nemur kostnaður tæpum tveimur milljörðum króna á þátt, eða rúmum 14 milljónum dollara. Til samanburðar er síðasta syrpa Game of Thrones sögð hafa kostað um 15 milljónir dollara á þátt og lokasyrpa The Crown um 14.4 milljónir dollara á þátt.

35 erlend verkefni, 151 innlent á tímabilinu

Tölurnar sýna að erlend verkefni hafa fengið í kringum tvo þriðju af heildarupphæðinni, eða um 6.661 milljarða króna. Samtals eru þetta 35 verkefni, flest stór bandarísk kvikmynda- eða sjónvarpsverk, en líka ýmislegt fleira.

Innlend verkefni, þar með talin samframleiðsla ýmiskonar, hafa fengið um 3.759 milljarða. Á bakvið þá tölu eru samtals 151 verkefni, bíómyndir, leiknar þáttaraðir, heimildamyndir, ýmiskonar sjónvarpsefni og fleira.

Líkt og sjá má á töflunni hér að neðan eru miklar sveiflur milli innlendra og erlendra verkefna milli ára. Upplýsingarnar ná til dagsins í dag, en ljóst er að margskonar verkefni eiga eftir að koma til endurgreiðslu á þessu ári.

Ítarupplýsingar, til dæmis upphæð hvers verkefnis og skiptingu eftir árum, má skoða hér.