Kvikmynd Hlyns Pálmasonar, Volaða land, keppir um verðlaun sem besta myndin á BFI London Film Festival sem fer fram í Lundúnum 6.-16. október.
Volaða land er á meðal átta tilnefndra mynda og má skoða hinar hér. Dómnefnd verðlaunanna verður kynnt á næstu vikum en verðlaunahafi verður kynntur í vefútsendingu 16. október.
Þetta er í 66. sinn sem hátíð BFI í Lundúnum fer fram. Stofnað var til verðlaunanna 2009 og varð leikstjórinn Jacques Audiard sá fyrsti til að hreppa þau, fyrir kvikmyndina Un prophète.
