spot_img
HeimNý verk Þáttaröðin QUEEN eftir Árna Ólaf Ásgeirsson væntanleg á Netflix

[Stikla] Þáttaröðin QUEEN eftir Árna Ólaf Ásgeirsson væntanleg á Netflix

-

Þáttaröðin Queen kemur á Netflix næsta fimmtudag. Þættirnir eru byggðir á hugmynd Árna Ólafs Ásgeirssonar og stóð til að hann leikstýrði þáttunum. Hann skrifaði einnig handrit þáttanna ásamt Kacper Wysocki. Árni lést í fyrravor.

Árni er titlaður höfundur (creator) þáttanna, en leikstjóri er Lukasz Kosmicki (The Coldest Game).

Þættirnir fjallar um Sylvester, klæðskera á eftirlaunum sem jafnframt er dragdrottningin Loretta. Hann hefur búið í París í hálfa öld en ákveður að svíkja eigið heit um að snúa aldrei aftur heim til Póllands þegar hann fær bréf frá barnabarni sínu. Hún biður hann að koma og hjálpa mömmu sinni (dóttur hans) sem þarf á nýrnaígræðslu að halda.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

NÝJUSTU FÆRSLUR