spot_img
HeimBransinnHandritsstyrkir hækka um 15%

Handritsstyrkir hækka um 15%

-

Frá og með 1. júní 2022 hækkar viðmiðunarfjárhæð handritsstyrkja. Um er að ræða hækkun sem ætlað er að koma til móts við verðlagsþróun frá síðustu breytingu á styrkfjárhæðum.

Þetta kemur fram á vef Kvikmyndamiðstöðvar og þar segir ennfremur:

Fyrsti hluti handritsstyrkja nam fyrir hækkun 500.000 kr., annar hluti 900.000 kr. og sá þriðji nam 1,2 milljónum króna. Eftir hækkun munu þessar fjárhæðir hækka í 600 þ.kr. fyrir fyrsta hluta, 1 m.kr. fyrir annan hluta og 1,4 m.kr. fyrir þann þriðja (fjárhæðir annars og þriðja hluta víxlast í tilviki handritsstyrkja til leikins sjónvarpsefnis).

Fyrir heimildamyndir er einvörðungu veittur fyrsti hluti handritsstyrks sem hækkar þá í 600 þ.kr.

Fjárhæð allra þriggja styrkhlutanna hækkar því úr 2,6 milljónum kr. í 3 milljónir kr., eða um ríflega 15%.

Breytingin tekur gildi fyrir allar styrkveitingar þar sem umsóknir berast eftir 1. júní 2022.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

NÝJUSTU FÆRSLUR