spot_img
HeimNý verk UGLUR, frumraun Teits Magnússonar sýnd í bíó með vorinu

[Stikla, plakat] UGLUR, frumraun Teits Magnússonar sýnd í bíó með vorinu

-

Bíómyndarfrumraun Teits Magnússonar, Uglur, verður sýnd í kvikmyndahúsum með vorinu. Stikla myndarinnar er hér.

Teitur útskrifaðist 2016 af leikstjórnar og handritabraut Kvikmyndaskóla Íslands. Síðan hefur hann unnið nokkrar stuttmyndir, en Uglur er fyrsta mynd hans í fullri lengd. Teitur fjármagnar myndina sjálfur.

Teitur Magnússon.

Páll er ungur ekkill sem hefur lokað sig frá samfélaginu undanfarin ár. Einangraða líf hans tekur vendingum þegar hann vingast við Elísabetu, unga konu sem fær húsaskjól hjá honum eftir að hafa flúið úr ofbeldissambandi. Elísabet heillast af lífstílnum sem Páll hefur tileinkað sér og vill læra af honum. Hins vegar kemur kærastinn hennar ítrekað heim til Páls og reynir að sannfæra Elísabetu um að koma aftur heim með sér. Páll neyðist þá til að horfast í augu við sína eigin fortíð þegar hann kemur upp á milli þeirra.

Með helstu hlutverk fara Bjartmar Einarsson, Rakel Ýr Stefánsdóttir og Hafþór Unnarsson.

Auk þess að leikstýra og skrifa handrit framleiðir Teitur myndina ásamt Bjartmari Einarssyni. Joshua Ásberg sér um kvikmyndatöku og Arnór Einarsson um klippingu. Tónlist gerir Magnús Jóhann Ragnarsson og María Markó sér um leikmynd.

Uglur var sýnd á RIFF síðasta haust og var einnig á Tromsö hátíðinni á dögunum.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

NÝJUSTU FÆRSLUR