HeimBransinnStyðja hugmyndir um hækkun endurgreiðslu

Styðja hugmyndir um hækkun endurgreiðslu

-

Forsvarsfólk nokkurra stærstu kvikmyndafélaganna hafa sent frá sér yfirlýsingu þar sem þau lýsa yfir stuðningi við hugmyndir Sigurðar Inga Jóhannssonar, formanns Framsóknarflokksins, um að hækka endurgreiðslur vegna kvikmyndagerðar í 35%.

Fréttablaðið skýrir frá, yfirlýsingin er svohljóðandi:

Við styðjum Sigurð Inga til góðra verka
Við undir­rituð, sem erum í for­svari fyrir þrjú af stærstu kvik­mynda­gerðar­fyrir­tækjum landsins, lýsum hér vilja okkar til sam­starfs um á­fram­haldandi upp­byggingu kvik­mynda­gerðar sem arð­skapandi þekkingar­starf­semi á Ís­landi.

Kvik­mynda­klasinn skapar nú þegar hátt í fjögur þúsund bein og af­leidd störf hér­lendis og hefur alla burði til að vaxa og dafna – ís­lensku at­vinnu­lífi, sam­fé­lagi og menningu til heilla. Þennan vaxtar­sprota okkar kvik­mynda­gerðar­fólks þarf að rækta, styrkja og styðja við í sam­ræmi við ný­sam­þykkta kvik­mynda­stefnu sem mennta- og menningar­mála­ráð­herra hefur sett.

Við fögnum yfir­lýsingu Sigurðar Inga Jóhanns­sonar um hækkun á endur­greiðslu af kostnaði við kvik­mynda­gerð á Ís­landi úr 25% í 35%. Slíkt myndi jafna sam­keppnis­hæfni ís­lenskrar kvik­mynda­gerðar og gera okkur kleift að byggja upp að­stöðu og inn­viði á við það sem best gerist.

Við styðjum Sigurð Inga til góðra verka!

Fh. RVK Stu­dios
Baltasar Kormákur

Fh. Pegasus
Lilja Ósk Snorra­dóttir
Er­lendur Cassata
Snorri Þóris­son

Fh. Tru­enorth
Leifur Dag­finns­son

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR