HeimNý verk ÞORPIÐ Í BAKGARÐINUM eftir Martein Þórsson frumsýnd 19. mars

[Stikla] ÞORPIÐ Í BAKGARÐINUM eftir Martein Þórsson frumsýnd 19. mars

-

Kvikmynd Marteins Þórssonar, Þorpið í bakgarðinum, verður frumsýnd í Senubíóunum þann 19. mars. Stikla og plakat myndarinnar hafa verið opinberuð.

Þorpið í bakgarðinum fjallar um Brynju sem lýkur dvöl á heilsuhæli í litlum bæ en treystir sér ekki til að snúa aftur til daglegs lífs í borginni. Hún kemur sér fyrir á gistiheimili þar sem hún kynnist Mark, ferðamanni sem á sömuleiðis erfitt með að yfirgefa bæinn. Þau bindast vináttuböndum, læsa örmum og finna í sameiningu færa leið um þrautirnar sem lífið hefur lagt fyrir þau.

Með helstu hlutverk fara Laufey Elíasdóttir, Tim Plester, Eygló Hilmarsdóttir, Sóley Elíasdóttir, Sara Dögg Ásgeirsdóttir og Helgi Svavar Helgason.

Marteinn leikstýrir en Guðmundur Óskarsson skrifar handrit. Þeir eru jafnframt framleiðendur myndarinnar. Bergsteinn Björgúlfsson stýrir kvikmyndatöku, Marteinn og Valdís Óskarsdóttir klippa. Tónlist er eftir Jófríði Ákadóttur og hljóðhönnun eftir Nicolas Liebing, en Pétur Einarsson tók upp hljóð. Stígur Steinþórsson gerði leikmynd og Aleksandra Koluder búninga.

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR