Þriðja syrpa þáttaraðarinnar Venjulegt fólk kemur í Sjónvarp Símans Premium þann 28. október. Stikla þáttanna er komin út.
Venjulegt fólk eru grínþættir með dramatísku ívafi. Við fylgjumst með Völu og Júlíönu sem hafa verið vinkonur frá því í menntaskóla takast á við lífið og tilveruna. Serían fjallar um áframhaldandi vinskap milli Júlíönu og Völu. Fjármál Júlíönu snúast við til hins betra á meðan Vala verður gjaldþrota. Setur þetta vinskap þeirra í hættu? Breyta fjármál öllu?
Fannar Sveinsson leikstýrir og skrifar handrit ásamt Völu Kristínu Eiríksdóttur, Júlíönu Söru Gunnarsdóttur og Dóra DNA. Vala Kristín og Júlíana Sara fara með aðalhlutverkin. Glassriver framleiðir.
