Sýningar hófust á heimildamyndinni Vasulka áhrifin eftir Hrafnhildi Gunnarsdóttur þann 1. nóvember í Bíó Paradís. Myndin hlaut áhorfendaverðlaun Skjaldborgarhátíðarinnar 2019.
Steina og Woody Vasulka eru frumkvöðlar í vídeólist. Þau hafa haft ótvíræð áhrif á þróun seinni endurreisnar tímabilsins í listum en núna eru þau í fjárkröggum og vita ekki hvað framtíðin ber í skauti sér. Fyrir tilviljun eru þau enduruppgötvuð af listaheiminum sem þau töldu sig aldrei hluta af og skjótast aftur upp á stjörnuhimininn.
