Heim Bíó Paradís Bíó Paradís auglýsir eftir dagskrárstjóra í eitt ár

Bíó Paradís auglýsir eftir dagskrárstjóra í eitt ár

-

Bíó Paradís auglýsir eftir dagskrárstjóra á tímabilinu janúar 2020 – janúar 2021.

Í tilkynningu segir:

Viðkomandi verður að vera mjög skipulagður og geta haldið utan um mörg verkefni í einu. Þekking á kvikmyndum, markaðssetningu kvikmynda, gott vald á íslensku og ensku, og reynsla af markaðsetningu á netinu og á samfélagsmiðlum er skilyrði. Reynsla af blaðamennsku og fjölmiðlun er mikill kostur. Umsækjandi verður að vera vanur/vön að setja saman texta og geta stýrt og framleitt viðburði frá A – Ö. Einnig krefst starfið þekkingar á vefumsjón. Um 100% starf er að ræða. Litið er til menntunar sem nýtist í starfi.

Starfslýsing

Almenn dagskrárumsjón og utanumhald á heildardagskrá fyrir menningarhúsið Bíó Paradís. Umsækjandi leysir af í fæðingarorlofi svo um tímabundið starf er að ræða frá janúar 2020 til janúar 2021. Dagskráin hefur nú þegar verið kortlögð að hluta, en umsækjandi fylgir eftir og vinnur dagskrá sem eftir á að staðfesta í samráði við framkvæmdastjóra Bíó Paradís á tímabilinu.

Umsækjandi sér um að útbúa texta og myndefni á vef, samfélagsmiðla og fréttabréf bíósins og skipuleggja kynningarherferðir fyrir dagskrá bíósins. Samskipti við fjölmiðla um dagskrá Bíó Paradísar. Þátttaka í undirbúningi á kynningarefni fyrir kvikmyndir, kvikmyndaviðburði og hátíðir bíósins.

Dagskrástjóri hefur yfirumsjón með nýjum kvikmyndum og kvikmyndaviðburðum í Bíó Paradís í samstarfi við framkvæmdastjóra Bíó Paradís. Vinna við ýmis sérverkefni svo sem eins og kvikmyndadaga, kvikmyndahátíðar og samstarf um aðra kvikmyndatengda viðburði eru einnig hluti af starfslýsingu.

Aðstoð við gerð umsókna og samstarfsverkefna í samstarfi við framkvæmdastjóra Bíó Paradís.

Umsjón með vef Bíó Paradís www.bioparadis.is og samfélagsmiðlunum Facebook og Instagram.

Umsækjendur sendi umsókn, ásamt ferilskrá á Hrönn Sveinsdóttur, framkvæmdastjóra Bíó Paradísar á netfangið hronn@bioparadis.is fyrir 15. nóvember nk.

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.

Wonder Woman, Ísland og framtíðin

Warner Bros. hefur tilkynnt að Wonder Woman 1984 verði frumsýnd samtímis í kvikmyndahúsum og á streymisveitu þeirra, HBO Max, þann 25. desember næstkomandi. Þetta eru enn ein tímamótin í sögu kvikmyndanna sem heimsfaraldurinn hefur ýtt undir. Hvað gæti þetta þýtt fyrir íslenskar kvikmyndir?

Netflix, RÚV og ZDF á bakvið ÓFÆRÐ 3

Netflix, RÚV og ZDF, ein stærsta sjónvarpsstöð Þýskalands, koma að framleiðslu þriðju syrpu þáttaraðarinnar Ófærð, sem nú kallast Entrapped. Tökur standa yfir.