Ný stikla annarrar syrpu þáttaraðarinnar Ófærð er komin út og má skoða hér.
Ófærð 2 verður frumsýnd á RÚV annan í jólum. Þættirnir hafa verið seldir víða um lönd en sýningar erlendis hefjast eftir áramót.
Áætla má að nokkrir tugir milljóna hafi horft á fyrstu þáttaröðina af Ófærð. Hún var til dæmis vinsælasta erlenda þáttaröðin sem sýnd var í Frakklandi árið 2016 en 5,2 milljónir horfðu á fyrsta þáttinn. Einnig fékk Ófærð gott áhorf í Bretlandi, Þýskalandi, Japan og Ástralíu.
Ólafur Darri Ólafsson, Ilmur Kristjánsdóttir og Ingvar E. Sigurðsson fara sem fyrr með aðalhlutverkin í Ófærð 2.
