The Weinstein Company (TWC) tilkynnti í gær að fyrirtækið hefði keypt bandarískan sýningarrétt á þáttaröðinni Ófærð frá Rvk. Studios. Fyrstu tveir þættirnir eru nú til sýnis á Toronto hátíðinni. Þetta er í fyrsta sinn sem íslensk sjónvarpsþáttaröð er seld til Bandaríkjanna.
TWC er í eigu hinna kunnu Weinstein bræða, Harvey og Bob, sem upphaflega stofnuðu Miramax fyrirtækið. TWC hefur lagt megináherslu á bíómyndir en hefur á undanförnum árum einnig gert sjónvarpsefni, þar á meðal Marco Polo fyrir Netflix og raunveruleikaseríuna Project Runway.
