Greining | Áhorf á íslenskt efni í sjónvarpi 2025

Um aðferðafræðina

Tölurnar eru byggðar á áhorfsmælingum Gallup sem framkvæmdar eru daglega árið um kring. Birtar eru áhorfstölur í prósentum og fjölda áhorfenda. Á bakvið hvert prósent eru 2.650 manns á aldrinum 12-80 ára. Tölurnar innihalda allt áhorf, þar með talið svokallað hliðrað áhorf (spilari RÚV ofl.) frá frumsýningu í línulegri dagskrá og næstu sjö daga eftir það. Á undanförnum árum hefur áhorf færst mjög yfir á hliðrað áhorf og því ljóst að tölurnar hér að neðan segja aðeins hluta sögunnar.

Þegar verk birtist í tveimur þáttum eða fleiri er birt meðaláhorf. Það er reiknað þannig að áhorfstölur hvers þáttar fyrir sig eru lagðar saman og deilt í með fjölda þátta. Hugtakið meðaláhorf nær yfir þann fjölda sem horfði allan tímann.

Hafa ber í huga að útleggingar mælinga eru mismunandi eftir eðli verka. Bíómyndir eru (oftast) sýndar í heilu lagi og því er um heildaráhorf að ræða. Heimildamyndir eru stundum stakar en stundum í þáttaröðum. Gerð er grein fyrir þessu með hvert verk og því ýmist um heildaráhorf eða meðaláhorf á þátt að ræða eftir atvikum. Leikið sjónvarpsefni er yfirleitt sýnt í nokkrum þáttum og því er þar sagt frá meðaláhorfi á þátt.

Athugasemd varðandi verk sýnd í Sjónvarpi Símans Premium: Áhorfsmælingar Gallup ná ekki til þessa efnis. Hinsvegar hefur Klapptré aflað upplýsinga frá Símanum um fjölda pantana á þessum verkum 2025. Gerð er grein fyrir heildarfjölda pantana hvers verks og síðan deilt í með fjölda þátta til að fá meðalfjölda pantana. Ekki er vitað hveru margir áhorfendur eru á bakvið hverja pöntun.

Verði lesendur varir við villur eða að upplýsingar vanti, er hægt að koma ábendingum á framfæri hér.

Áhorf á leikið sjónvarpsefni 2025

Pantanir á leiknu sjónvarpsefni í Sjónvarpi Símans Premium 2025

Áhorf á íslenskar bíómyndir 2025

Áhorf á íslenskar heimildamyndir 2025