Spjallið er undir merkjum dagskrárinnar Kvöldstund með… sem hófst í Bíó Paradís í fyrra og hefur tekist vel. Ásgrímur Sverrisson stýrir kvöldstundinni að þessu sinni.
Myndin er svo kynnt:
Sveinn Þórarinsson amtskrifari (1821-1868) hélt dagbók frá unglingsaldri þar til hann lést. Dagbókarfærslur hans, sem lúta að tónlist eru leiðarstef í kvikmyndinni „Frá ómi til hljóms,“ sem fjallar um breytinguna sem varð í íslensku tónlistarlífi á 19. öld þegar ný hljóðfæri, nýjar tóntegundir og sönglög bárust frá meginlandinu.
Myndin var frumsýnd á Skjaldborg, hátíð íslenskra heimildamynda, fyrr á árinu. Stiklu má skoða að neðan og ennfremur umfjöllun Klapptrés um myndina frá Skjaldborgarhátíðinni.
