Deadline fjallaði um verkefnið fyrir skömmu. Þar kemur meðal annars fram að handritið sé eftir Jeremy Robbins og að því sé lýst sem Free Solo mætir Silence of the Lambs. Sagan hverfist um klettaklifrara sem er elt uppi í villtri náttúrunni.
Einnig segir í frétt Deadline að yfirmenn Netflix hafi verið svo hrifnir af handritinu að þeir hafi keypt verkefnið með aðeins framleiðendur um borð, meðan venjan sé að líta til hverjir fari með helstu hlutverk áður en gengið er frá samningum. Theron og Baltasar hafi verið fyrsta val hvað varðar aðalleikara og leikstjóra og þau hafi bæði strax lýst yfir áhuga sínum, sem einnig sé óvenjulegt. Nú á tímum séu framhaldsmyndir hverskonar yfirgnæfandi og sjaldgæft að nýjar sögur laði að sér topp hæfileikafólk.
