Heimildamyndin Dagurinn þegar Ísland stöðvaðist (The Day Iceland Stood Still) verður heimsfrumsýnd á kvikmyndahátíðinni Hot Docs í Kanada 29. apríl.
Myndin segir frá kvennaverkfallinu 24. október 1975, þegar 90% íslenskra kvenna lögðu niður störf og sýndu mikilvægi sitt í íslensku atvinnulífi.
Leikstjóri er Emmy-verðlaunahafinn Pamela Hogan og er myndin gerð í samstarfi við Hrafnhildi Gunnarsdóttur framleiðanda.
Hot Docs fer fram 25. apríl til 5. maí í Toronto í Kanada og er stærsta heimildamyndahátíð Norður-Ameríku.
Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni.
Vefurinn fór í loftið haustið 2013. Ritstjóri er Ásgrímur Sverrisson.
Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.
