Norræni kvikmynda- og sjónvarpssjóðurinn hefur veitt kvikmyndinni Ljósbrot í leikstjórn Rúnars Rúnarssonar tæplega 19 milljón króna styrk. Þetta var tilkynnt í dag. Tökur hefjast í haust.
Myndinni er svo lýst í kynningu: Hinn fyrsti missir og ferðalagið sem því fylgir. Þegar hlátur breytist í grátur og fegurðin á samleið með sorginni.
Verkefnið hefur hlotið 110 milljón króna styrk úr Kvikmyndasjóði.
Rúnar leikstýrir og skrifar handrit. Framleiðendur eru Heather Millard, Lilja Ósk Snorradóttir og Rúnar. Myndinni verður dreift af Samfilm á Íslandi.
