Stuttmyndin Fár eftir Gunni Martinsdóttur Schlüter hlaut sérstaka viðurkenningu í flokki stuttmynda á kvikmyndahátíðinni í Cannes.
Myndin var á meðal 11 verka sem sýnd voru í keppnisflokki stuttmynda á hátíðinni í ár. Gullpálmann hlaut Flóra Anna Buda, frá Ungverjalandi, fyrir stuttmyndina 27.
Verðlaunin voru afhent við hátíðlega athöfn á lokadegi kvikmyndahátíðarinnar, 27. maí.
Sjá einnig: Besta hugsanlega byrjun sem stuttmynd getur fengið
Í Fár tekst einstaklingur á við aðstæður sem reyna á siðferði mannskepnunnar í aftengdum heimi við náttúruna. Gunnur leikstýrir myndinni, skrifar handrit hennar og fer að auki með aðalhlutverkið. Framleiðendur eru Sara Nassim og Rúnar Ingi Einarsson hjá framleiðslufyrirtækinu Norður.
