Snerting Baltasars Kormáks hlaut á dögunum 2,5 milljónir norskra króna frá Norrræna kvikmynda- og sjónvarpssjóðnum. Upphæðin svarar til um 35 milljóna íslenskra króna.
Tökur á myndinni hófust í London í september og standa nú yfir í Reykjavík, en einnig verða upptökur í Japan. Egill Ólafsson fer með aðalhutverkið.
Agnes Johansen og Baltasar framleiða fyrir RVK Studios. Byggt er á samnefndri bók Ólafs Jóhanns Ólafssonar sem einnig skrifar handrit ásamt Baltasar.
Myndin hlaut 160 milljóna króna styrk frá Kvikmyndasjóði og mun njóta 35% endurgreiðslu samkvæmt því sem fram kemur á vef Norræna sjóðsins.
