spot_img
HeimNý verk SUNDLAUGASÖGUR í bíó frá 5. október

[Stikla] SUNDLAUGASÖGUR í bíó frá 5. október

-

Heimildamyndin Sundlaugasögur eftir Jón Karl Helgason verður sýnd í Bíó Paradís frá 5. október.

Í kynningu segir:

Íslensk sundmenning og hlutverk sundstaða er einstök á heimsvísu og hefur ekki verið gerð skil í heimildamynd áður. Í myndinni Sundlaugasögur eru yfir 25 sundlaugar um land allt heimsóttar og þar kynnumst við fólkinu sem sækir laugarnar og menningunni í laugunum. Þessi menning hefur þróast hér á landi í rúm hundrað ár.

Myndin var sýnd á Skjaldborgarhátíðinni í vor. Í umsögn Ásgríms Sverrissonar um myndina frá í vor segir:

Jón Karl nær í gegnum skýrt hugsaða myndræna frásögn, sem heldur sér mjög vel þrátt fyrir að tökur hafi farið fram á sjö ára tímabili, að segja sögu um afar hvunndagslegan þátt í lífi margra Íslendinga sem grípur mann bæði í endurtekningunni en um leið í fjölbreyttri nálgun. Í fyrstu spyr maður sig um aðferðina og afhverju verið er að segja þessa sögu, en smám saman nær frásögnin valdi yfir manni. Hinn reglubundni taktur heillar og fram sprettur fjölbreytilegt fólk í sinni morgunandakt eða annarri styrkingu yfir daginn. Hann nær líka að draga fram fegurð sundlauganna, ekki síst með hnitmiðaðri notkun á loftmyndum, þannig að þær teiknast upp sem einskonar vinjar eða uppspretta kraftbirtingar gegn öllu því sem lífið kastar framan í okkur. Tvímælalaust ein áhugaverðasta mynd hátíðarinnar.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

NÝJUSTU FÆRSLUR