„Hvítur, hvítur dagur“ fær þrenn verðlaun í Torino

Julius Krebs Damsbo klippari tók á móti verðlaununum í Torino.

Hvítur, hvítur dagur eftir Hlyn Pálmason vann þrenn verðlaun á Torino kvikmyndahátíðinni á Ítalíu um helgina. Klippari myndarinnar, Julius Krebs Damsbo, var viðstaddur hátíðina og tók á móti verðlaununum.

Myndin vann aðalverðlaun hátíðarinnar og þar með verðlaunafé að upphæð 18.000 evrur, ca. 2,4.milljónir króna. Einnig vann myndin AVANTI! verðlaunin sem gefa myndinni betri dreifingu á Ítalíu, sem og sérstaka dómnefndarviðurkenningu fyrir besta handrit.

Hvítur, hvítur dagur hefur nú fengið 12 alþjóðleg verðlaun frá frumsýningu í Cannes. Mikið ferðalag er einnig framundan hjá myndinni en hún kom nýlega í kvikmyndahús í Noregi og Sviss, og mun hefja sýningar í Danmörku 5.desember.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

TENGT EFNI

NÝJUSTU FÆRSLUR