Danska sölufyrirtækið LevelK fer með alþjóðlega sölu á kvikmynd Antons Sigurðssonar, Grimmd, sem frumsýnd var í október síðastliðnum og varð önnur vinsælasta mynd ársins.
Alþjóðlegur titill myndarinnar er Cruelty. Erlingur Jack Guðmundsson, Anton Sigurðsson og Haraldur Bender hjá Virgo Films framleiða; Fenrir Films, BobbleHead Productions og Fulton Street Entertainment eru meðframleiðendur. Arnar Gunnlaugsson er yfirframleiðandi (executive producer).
Myndin verður kynnt á markaðnum á Berlínarhátíðinni sem nú stendur yfir.
Variety skýrir frá.
