Stuttmynd Ólafar Birnu Torfadóttur, Síðasta sumar, var verðlaunuð á Los Angeles Independent Film Festival sem fram fór í ágúst. Myndin hlaut verðlaun í flokknum Best Comedy/Drademy, Foreign.
Myndin er útskriftarverkefni Ólafar úr Kvikmyndaskóla Íslands, en hún lauk námi af handrits- og leikstjórnarbraut síðastliðið vor.
Í kynningu um myndina segir:
Sandra er aftur flutt heim til foreldra sinna en hún hefur fengið vinnu í kjötvinnslufyrirtæki þar í sveit. Yfirmaðurinn er ekki sá skemmtilegasti, verkstýran með nokkrar lausar skrúfur og starfsfólkið almennt hið furðulegasta. Hinsvegar á Sandra við stærra vandamál að stríða heima fyrir; foreldrarnir fastir í lollypop landi, allir með augun lokuð og vandamál í sjónvarpsherberginu.
