Breska sölufyrirtækið West End Films mun sjá um alþjóðlega sölu á kvikmyndinni Mules sem Baltasar Kormákur og Agnes Johansen framleiða fyrir RVK Studios. Börkur Sigþórsson mun leikstýra og áætlað er að tökur hefjist í vor.
Þetta kemur fram í fréttapósti ScreenDaily af Berlínarhátíðinni.
Börkur er meðal þeirra fjögura leikstjóra sem koma að þáttaröðinni Ófærð. Stuttmynd hans, Skaði (Come to Harm), hlaut Edduverðlaun 2012 sem stuttmynd ársins.
Myndin verður gerð í samstarfi við danska og sænska aðila.
Myndin segir frá tveimur bræðrum sem skipuleggja eiturlyfasmygl til Íslands og fá unga pólska stúlku til að gerast burðardýr.
Sjá nánar hér: WestEnd boards Baltasar Kormakur-produced ‘Mules’ | News | Screen
