Heimstyrjöldin síðari, fjölskyldustríð og handtökur, leyndarmál, þöggun, sögusagnir og rógburður eru viðfangsefni nýrrar heimildamyndar Helga Felixsonar sem nefnist Njósnir, lygar og fjölskyldubönd.
Í myndinni varpar Helgi ljósi á vel varið leyndarmál fjölskyldu sinnar sem leiddi til skelfilegra atburða sem áttu sér stað á Ísafirði fyrir rúmum 70 árum þegar breska hernámsliðið handtók afa hans, sem var vararæðismaður Breta, og ömmu ásamt 5 öðrum Vestfirðingum og kastaði í bresk fangelsi.
Fortíðin getur varpað löngum skugga og haft flókin áhrif á líf okkar sem fæðumst jafnvel löngu síðar.
Myndin verður frumsýnd í Bíó Paradís 28. janúar.
Helgi skrifar handrit ásamt Sindra Freyssyni. Þuríður Einarsdóttir og Titti Johnson annast klippingu. Helgi framleiðir myndina fyrir Iris Film en meðframleiðandi er Felix Film AB í Svíþjóð.
