Fúsi Dags Kára eða Virgin Mountain eins og hún kallast á ensku, verður sýnd í kvikmyndahúsum víða um heim.
Franska sölufyrirtækið BAC Films sér um að selja myndina erlendis og hefur þegar lokað samningum við dreifingarfyrirtæki í Þýskalandi, Frakklandi, Noregi, Póllandi, Ungverjalandi, löndum fyrrum Júgóslavíu, Belgíu, Hollandi og Luxemburg, auk Kólumbíu og Brasilíu. Þá hefur myndin einnig verið seld til Danmerkur, en Dagur er búsettur í Kaupmannahöfn þar sem hann stýrir leikstjóradeild danska kvikmyndaskólans.
Þá hefur myndin mikið verið bókuð á kvikmyndahátíðir víða um heim eftir að hún var sýnd á kvikmyndahátíðinni í Berlín.
