Ágúst er fjórði kvikmyndagerðarmaðurinn sem er handhafi heiðurslauna listamanna. Hin eru Kristín Jóhannesdóttir, Friðrik Þór Friðriksson og Þráinn Bertelsson.
Heiðurslaun listamanna eru veitt listamanni að fullu til sjötíu ára aldurs og skulu vera þau sömu og starfslaun listamanna eru á hverjum tíma. Eftir sjötugt verði þau 80% af starfslaunum. Þeir einir geta notið heiðurslauna sem hafa varið starfsævi sinni eða verulegum hluta hennar til liststarfa eða skarað fram úr við listsköpun sína. Þá má einnig veita þeim heiðurslaun ef störf þeirra að listum hefur skilað miklum árangri á Íslandi eða á alþjóðavettvangi.
