Í nýkynntu fjárlagafrumvarpi fyrir árið 2026 eru áætluð framlög til Kvikmyndasjóðs 1.362,3 milljónir króna. Framlög 2025 námu 1.323,1 milljónum króna. Hækkunin nemur tæpum 3%, sem er undir verðbólgu.
Í rekstur Kvikmyndamiðstöðvar er gert ráð fyrir 157,5 milljónum króna á næsta ári. Það er nokkurnveginn sama tala og á yfirstandandi ári (157,6 milljónir).
Þá er gert ráð fyrir tæpum 4 milljörðum króna í endurgreiðslur vegna kvikmyndagerðar á næsta ári, en á þessu ári er gert ráð fyrir um 6 milljörðum.
Kvikmyndasafn Íslands fær 168,3 milljónir króna á næsta ári, miðað við 162,3 milljónir króna á þessu ári.
Skoða má tölurnar með því að smella á heimildarhlekkinn hér fyrir neðan.
Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni.
Vefurinn fór í loftið haustið 2013. Ritstjóri er Ásgrímur Sverrisson.
Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.
