Kári hlýtur Producers Network Award fyrir Sjö hæðir, verk í vinnslu eftir Erlend Sveinsson. Viðurkenningin veitir aðgöngu að markaði kvikmyndahátíðarinnar í Cannes, Marché du film 2025. Heather Millard framleiðandi hlaut viðurkenninguna árið 2023, fyrir verkefnið Kúluskít eftir Álfrúnu Örnólfsdóttur.
Clara Lemaire hlýtur ArteKino-verðlaunin fyrir Rosa Candida, franska kvikmynd í vinnslu sem byggist á skáldsögu Auðar Övu Ólafsdóttur, Afleggjaranum. Clara Lemaire er dóttir Sólveigar Anspach kvikmyndagerðarkonu, sem féll frá árið 2015. Rosa Candida er fyrsta leikna kvikmynd Clöru Lemaire í fullri lengd. Myndin er framleidd af franska framleiðslufyrirtækinu Haut Et Court. Ninna Pálmadóttir hlaut sömu verðlaun árið 2021, fyrir kvikmyndina Tilverur, sem þá var verk í þróun.
