Þetta eru elleftu alþjóðlegu verðlaun myndarinnar, sem frumsýnd var á Cannes hátíðinni í vor. Jafnframt er þetta í 150. skipti sem kvikmyndir Rúnars hljóta verðlaun á alþjóðlegum hátíðum, segir í tilkynningu frá framleiðendum.
Í umsögn dómnefndar segir að Ljósbrot miðli einstaklega sannfærandi sögu sem dregur fram blæbrigði sorgar og kærleika og fangi augu, hugi og hjörtu.
Ljósbroti er leikstýrt af Rúnari Rúnarssyni. Framleiðandi er Heather Millard. Með aðalhlutverk fara Elín Hall, Katla Njálsdóttir, Mikael Kaaber, Baldur Einarsson, Gunnar Kristjánsson og Ágúst Wigum.
