Ljósbrot eftir Rúnar Rúnarsson var valin besta mynd Alþjóðlegu kvikmyndahátíðarinnar í Nuuk á Grænlandi á dögunum. Þetta eru sjöttu alþjóðlegu verðlaun myndarinnar.
Á lokaathöfninni sagði Berda Larsen, formaður dómnefndar, þetta um myndina:
Með kraftmikillli miðlun tilfinninga leiddi myndin okkur áfram og gerði okkur berskjölduð. Það er einróma ákvörðun dómnefndarinnar að Ljósbrot er besta leikna kvikmyndin á hátíðinni.
