Stuttmynd Rúnars Rúnarssonar, O (Hringur) var frumsýnd á Feneyjahátíðinni í gær. Gagnrýnandi Cineuropa segir hana þunga en áhrifamikla.
Gagnrýnandinn, Laurence Boyce, segir meðal annars: “Þó að það sé oft þungur tónn í þessari mynd, sem talar um mannlega breyskleika, þá er einnig andrúmsloft hins ljóðræna sem er borið uppi af ótrúlegri frammistöðu hins trausta íslenska leikara Ingvars Sigurðssonar. Þetta skapar djúpt, mannlegt og áhrifamikið verk.“
Myndin verður sýnd ásamt Ljósbroti Rúnars í Bíó Paradís frá og með deginum í dag.
Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni.
Vefurinn fór í loftið haustið 2013. Ritstjóri er Ásgrímur Sverrisson.
Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.
