Ljósbrot eftir Rúnar Rúnarsson er meðal 29 bíómynda sem verða í forvali til Evrópsku kvikmyndaverðlaunanna. Þetta var tilkynnt í morgun.
Myndin var opnunarmynd Un Certain Regard flokksins á kvikmyndahátíðinni í Cannes í vor og hlaut þar afar góðar viðtökur áhorfenda og gagnrýnenda. Hún hefur síðan unnið til fernra alþjóðlegra verðlauna.
Von er á fleiri myndum í forvalið í september. Tilnefningar verða kynntar þann 5. nóvember.
Evrópsku kvikmyndaverðlaunin verða afhent í Lucerne í Sviss 7. desember næstkomandi.
Ljósbrot verður frumsýnd á Íslandi 28. ágúst.
Myndirnar í forvali til Evrópsku kvikmyndaverðlaunanna 2024.
Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni.
Vefurinn fór í loftið haustið 2013. Ritstjóri er Ásgrímur Sverrisson.
Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.
