Sigurjón Sighvatsson kvikmyndaframleiðandi og formaður Kvikmyndaráðs sagði meðal annars í opnunarávarpi sínu á Kvikmyndaráðstefnunni í Hörpu að í stað þess að draga úr framlögum til íslenskrar kvikmyndagerðar þyrfti að auka þau.
Í ávarpi sínu fór Sigurjón yfir sögu íslenskrar kvikmyndagerðar allt frá því Morðsaga kom fram 1977 og til okkar daga. Hann tengdi þessa sögu jafnframt við alþjóðlega kvikmyndagerð og þá sérstaklega hina bandarísku og dró fram þær gríðarlegu breytingar sem orðið hafa á síðustu árum.
Skoða má ávarp Sigurjóns hér. (Athugið að viðburðinn stendur enn þegar þetta er skrifað og er ávarp Sigurjóns framarlega).
Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni.
Vefurinn fór í loftið haustið 2013. Ritstjóri er Ásgrímur Sverrisson.
Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.
