Börkur Sigþórsson leikstýrir þáttaröðinni Insomnia fyrir Paramount+ efnisveituna. Tökur standa yfir en þættirnir, sex talsins, eru teknir upp í Bretlandi.
Deadline skýrir frá þessu og þar kemur fram að Vicky McClure (Line of Duty) fari með aðalhlutverkið. McClure leikur konu á framabraut sem óttast um geðheilsu sína þegar allt sem hún hefur byggt upp færist til verri vegar vegna svefnleysis.
Verkið er byggt á skáldsögu Sarah Pinborough. Börkur er einn yfirframleiðenda sömuleiðis, en framleiðslufyrirtækið Left Bank Pictures (The Crown) stendur að þáttunum, sem væntanlegir eru á næsta ári.
