HeimNý verk JÓLAMÓÐIR frumsýnd 26. desember

[Stikla] JÓLAMÓÐIR frumsýnd 26. desember

-

Ný kvikmynd, Jólamóðir, verður frumsýnd í Sambíóunum 26. desember. Hér er stikla myndarinnar.

Efni myndarinnar er svo lýst:

Fyrir langa löngu í heimi hinna íslensku trölla, stuttu eftir stór tímamót í lífi þeirra eru tröllasystkinin Hurðaskellir og Skjóða skilin eftir alein heima í Grýluhelli í fyrsta skipti í sögu hellisins. Þurfa þau að vinna sig í gegnum stirt samband sitt á sama tíma og þau reyna að komast að því hvert allir hinir 98 íbúar hellisins hafa farið. Við tekur ferðalag þar sem systkinin læra nýja hluti um sig, mömmu sína Grýlu, hvernig það kom til að þau urðu að jólafjölskyldu og hvað fylgir töfrum jólanna. Grýla er einnig að glíma við sömu spurningar á meðan skyldur hennar sem jólamóðir, verndara töfra jólanna, stangast á við þá tröllskessu sem hún áður var.

Með helstu hlutverk fara Andrea Ösp Karlsdóttir, Anna Bergljót Thorarensen, Gríma Kristjánsdóttir, Huld Óskarsdóttir, Sigsteinn Sigurbergsson og Stefán Benedikt Vilhelmsson.

Jakob Hákonarson leikstýrir, en þetta er hans fyrsta bíómynd. Myndin er framleidd af Önnu Bergljótu Thorarensen, Jakobi, Andreu Ösp Karlsdóttur og Sigsteini Sigurbergssyni fyrir framleiðslufyrirtækið A Whole Lotta Love. Þessi hópur hafði áður unnið Jóladagatal Sjónvarps Símans sem frumsýnt var fyrir ári síðan.

Handrit skrifar Anna Bergljót Thorarensen og kvikmyndatöku annast Óttar Ingi Þorbergsson. Óttar klippir einnig ásamt Jakobi. Tónlist gera Þórður Gunnar Þorvaldsson og Helgi Reynir Jónsson.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

ÞAÐ NÝJASTA Á KLAPPTRÉ

Fáðu nýjasta efnið á Klapptré í pósthólfið þitt tvisvar í viku, á mánudögum og fimmtudögum.

Þú getur afskráð þig hvenær sem er.

NÝJUSTU FÆRSLUR