HeimFréttirVerðlaunBIRTA fær leikaraverðlaun í Þýskalandi

BIRTA fær leikaraverðlaun í Þýskalandi

-

Kristín Erla Pétursdóttir vann til DIAMANT verðlaunanna sem besta unga leikkonan (Best Child Actor) á Alþjóðlegu kvikmyndahátíðinni SCHLINGEL sem fór fram í Þýskalandi dagana 9. – 16. október. Kristín Erla hlaut verðlaunin fyrir aðalhlutverk sitt í kvikmyndinni Birtu.

Birta fjallar um hina 11 ára kraftmiklu en auðtrúa Birtu. Hún tekur málin í sínar hendur með ævintýralegum hætti þegar hún heyrir móður sína segja í hálfkæringi að það verði engin jól vegna blankheita.

Birta er skrifuð af Helgu Arnardóttur og leikstýrð af Braga Þór Hinrikssyni. Þau eru jafnframt framleiðendur myndarinnar fyrir H.M.S. Productions. Auk Kristínar fara með aðalhlutverk Margrét Júlía Reynisdóttir, Salka Sól Eyfeld og Margrét Ákadóttir.

Myndin verður frumsýnd hér á landi þann 5. nóvember næstkomandi.

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR