Rams, ástralska útgáfan af Hrútum Gríms Hákonarsonar með Sam Neill í aðalhlutverki, er að gera það gott í kvikmyndahúsum Ástralíu þessa dagana. Myndin opnaði í efsta sæti og hefur nú verið sýnd í fimm vikur við miklar vinsældir.
Michael Caton og Sam Neill fara með hlutverk bræðranna sem Theódór Júlíusson og Sigurður Sigurjónsson léku í mynd Gríms.
Þá hefur Sam Neill verið tilnefndur til AACTA verðlaunanna áströlsku sem besti leikari í aðalhlutverki fyrir leik sinn í myndinni.
