10 ár síðan þessi færsla birtist.

„Ófærð“ vinsælasta leikna þáttaröðin síðan rafrænar mælingar hófust

29. febrúar 2016

ófærðarteymið á sviðinu Edda 2016 — Teymið á bakvið Ófærð tekur á móti Edduverðlaunum. Frá vinstri:

Teymið á bakvið Ófærð tekur á móti Edduverðlaunum. Frá vinstri: Börkur Sigþórsson leikstjóri, Baldvin Z leikstjóri, Óskar Þór Axelsson leikstjóri, Sigurjón Kjartansson handritshöfundur, Sindri Páll Kjartansson framleiðslustjóri, Magnús Viðar Sigurðsson framleiðandi, Baltasar Kormákur leikstjóri og framleiðandi og Bergsteinn Björgúlfsson tökumaður.

Þáttaröðin Ófærð, sem í gær hlaut þrenn Edduverðlaun, meðal annars sem leikið sjónvarpsefni ársins, er með mesta áhorf leikins sjónvarpsefnis síðan rafrænar mælingar hófust. Klapptré birtir sundurliðaðar áhorfstölur þáttanna.

Inní tölunum er allt línulegt og hliðrað áhorf auk endursýninga nema þar sem það er sérstaklega tekið fram. Valgeir Vilhjálmsson markaðsrannsóknastjóri RÚV staðfestir að þetta sé mesta áhorf leikins sjónvarpsefnis síðan rafrænar mælingar hófust.

Áhorf á Ófærð

Ófærð	Frumsýning	Endursýning	Endursýning 2	Alls
Þáttur 1	59,4	5,9		65,3
Þáttur 2	60,3	4,0		64,3
Þáttur 3	60,9	0,2	4,3	65,4
Þáttur 4	58,1	0,4	3,6	62,1
Þáttur 5	58,4	0,4	4,0	62,8
Þáttur 6	58,4	0,4	2,8	61,6
Þáttur 7	53,3	19,8	2,5	75,6
Þáttur 8	64,9	0,5	4,3	69,7
Þáttur 9*	58,7			58,7
Þáttur 10*	60,8			60,8
Meðaltal	59,3	4,0	3,6	64,6
*"Playback áhorf" (Sarpur, tímaflakk, VOD) og endursýningar vantar á þáttum 9 og 10.

Varðandi áhorfið á endursýningu sjöunda þáttar sem sker sig mjög úr, var þar á ferðinni þáttur þar sem röng útgáfa fór fyrst í loftið, en sú rétta var sýnd í endursýningu.