Ekkert lát virðist vera á verðlaunum til handa Hross í oss Benedikts Erlingssonar á alþjóðlegum kvikmyndahátíðum. Í dag mun myndinnni falla í skaut tvenn verðlaun á Festival de Cinéma Européen des Arcs í Les Arcs í Frakklandi á lokadegi hátíðarinnar. Myndin fær annarsvegar dómnefndarverðlaunin og hinsvegar verðlaun fyrir tónlist Davíðs Þórs Jónssonar.
Alls hefur myndin nú fengið 10 verðlaun á 7 kvikmyndahátíðum. Framundan eru hátíðir til dæmis í Bandaríkjunum og Svíþjóð.
Sjá nánar hér: Verðlaunahross á flugi – mbl.is.
