Morgunblaðið skýrir frá því að þáttaröðin hafi farið mjög vel af stað í Sjónvarpi Símans Premium og sé þegar orðin ein sú vinsælasta í sögu miðilsins. Miðillin hefur eftir Símanum að viðtökurnar hafi verið afar öflugar frá frumsýningu og áhorfstölur fyrstu dagana setja Hildi í hóp allra stærstu frumsýninga íslensks efnis.
„Það er einstaklega ánægjulegt að sjá hversu sterkt Hildur byrjar. Þessar viðtökur staðfesta bæði gæði þáttanna og þann kraft sem býr í íslenskri þáttagerð,“ er haft eftir Birki Ágústssyni, framkvæmdastjóra miðla hjá Símanum.
„Gífurlegar vinsældir hinna frábæru bóka Satu Rämö gáfu til kynna að eftirvæntingin fyrir seríunni yrði mikil. Viðtökurnar hafa þó farið fram úr okkar björtustu vonum og staðfesta enn og aftur mikinn áhuga á vönduðum íslenskum leiknum þáttaröðum,“ segir Skarphéðinn Guðmundsson, forstjóri Sagafilm, í tilkynningu.
Þá heur einnig komið fram að þættirnir njóti mikilla vinsælda í Finnlandi. Skarphéðinn Guðmundsson segir á Facebook síðu sinni þann 4. febrúar s.l.:
