Jóhanna af Örk eftir Hlyn Pálmason, systurmynd Ástarinnar sem eftir er, hefur verið seld til dreifingar í Bandaríkjunum og Bretlandi. Myndin var frumsýnd á San Sebastian hátíðinni fyrr í haust.
Deadline skýrir frá.
New Europe Film Sales, sem annast sölu myndarinnar á heimsvísu, hafði áður gengið frá sölu til Spánar, Ítalíu og Póllands. Janus Films mun dreifa myndinni í Bandaríkjunum og Curzon í Bretlandi. Bæði félögin eru stór á sviði dreifingar listrænna mynda.
Myndin, sem er 68 mínútur, fylgir þremur systkinum gegnum árstíðirnar þar sem þau reisa ítrekað riddarafígúru og rústa henni síðan með örvadrífu.
Plakat myndarinnar er hér að neðan.
Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni.
Vefurinn fór í loftið haustið 2013. Ritstjóri er Ásgrímur Sverrisson.
Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.
