Ástin sem eftir er eftir Hlyn Pálmason er á lista National Board of Review yfir fimm bestu alþjóðlegu kvikmyndir ársins, ásamt meðal annars Sentimental Value og The Secret Agent.
Sjá umfjöllun Indiewire um verðlaunin hér.
National Board of Review er sjálfseignarstofnun sem samanstendur af kvikmyndaáhugafólki í New York. Stofunin hefur verið starfrækt síðan 1909 og veitir verðlaun árlega í byrjun desember. Verðlaunin þykja oft gefa vísbendingar um tilnefningar og verðlaun á þeim hátíðum sem fara senn í hönd, t.d. Golden Globe og Óskarinn.
Stuttlistar vegna Óskarsverðlauna verða kynntir síðar í mánuðinum. Ástin sem eftir er er framlag Íslands til Óskarsverðlauna í ár.
Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni.
Vefurinn fór í loftið haustið 2013. Ritstjóri er Ásgrímur Sverrisson.
Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.
