Heildaraðsókn á íslenskar kvikmyndir í bíó 2024 nam 102.451 gestum miðað við 146.577 gesti árið 2023. Þetta er um 43% samdráttur milli ára. Ekki er óalgengt að slíkar sveiflur séu milli ára og telst árið nálægt meðallagi hvað varðar aðsókn á íslenskar kvikmyndir. Um 44% heildaraðsóknar var á eina mynd, Snertingu.
Heildartekjur námu rúmum 212 milljónum króna miðað við 287,7 milljónir árið 2023.
Snerting er mest sótta bíómyndin með með tæplega 45 þúsund gesti. Hún er jafnframt tekjuhæsta kvikmyndin í íslenskum bíóum 2024.
Markaðshlutdeild íslenskra kvikmynda af heildaraðsókn er 11,3% miðað við rúm 14,5% í fyrra, sem var óvenju hátt hlutfall.
Meðalaðsókn á íslenskar bíómyndir 2024 er 10.744 gestir miðað við 18.322 gesti árið 2023, sem einnig var mun hærra hlutfall en mörg undanfarin ár.
Hér að neðan má sjá listann yfir aðsókn og tekjur á íslenskar kvikmyndir 2024. Athugað að röðun á listann er eftir aðsókn, sem er ákvörðun Klapptrés.
| TITILL | DREIFING | TEKJUR | AÐSÓKN | |
|---|---|---|---|---|
| 1 | Snerting | Sena | 100.615.485 kr | 44.881 |
| 2 | Ljósvíkingar | Sena | 38.589.893 kr | 17.260 |
| 3 | Fullt hús | Myndform | 35.980.795 kr | 17.028 |
| 4 | Ljósbrot | Samfilm | 13.148.690 kr | 6.322 |
| 5 | Topp tíu möst | Sena | 10.864.268 kr | 5.183 |
| 6 | Guðaveigar*** | Myndform | 8.209.014 kr | 3.818 |
| 7 | Sérsýningar 2024* | Bíó Paradís | 7.416.430 kr | 5.723 |
| 8 | Natatorium | Sena | 984.700 kr | 1.092 |
| 9 | Einskonar ást | Sena | 800.763 kr | 581 |
| 10 | Missir | Sena | 390.802 kr | 528 |
| 11 | Tilverur** | Samfilm | 56.812 kr | 29 |
| 12 | Jólamóðir** | Samfilm | 6.570 kr | 6 |
| 13 | Eftirleikir | Myndform | Ekki vitað | Ekki vitað |
| SAMTALS | 217.064.222 kr | 102.451 | ||
| MEÐALAÐSÓKN | 10.744 | |||
| HEIMILD: FRÍSK | *Heimildamyndir | **Frumsýndar 2022 og 2023, tölur 2024 | ***Enn í sýningum. Tölur 2024. | ||||
