Guðaveigar fjallar um fjóra presta sem halda til Rioja á Spáni til að finna messuvín í betri gæðum en þekkst hefur á Íslandi hingað til. Þeir eru svo uppteknir við vinnu sína og smakkið að þeir missa af kraftaverkunum sem gerast allt í kringum þá.
Upptökur fóru fram á Spáni og Íslandi í maí og júní síðastliðnum.
Leikstjórar og handritshöfundar eru Þorkell Harðarson og Örn Marinó Arnarson. Með helstu hlutverk fara Hilmir Snær Guðnason, Halldór Gylfason, Þröstur Leó Gunnarsson, Sverrir Þór Sverrisson, Vivian Ólafsdóttir, Sigurður Sigurjónsson og Katla Margrét Þorgeirsdóttir.
