Suður-kóreski leikstjórinn Bong Joon-ho tekur við heiðursviðurkenningu RIFF fyrir framúrskarandi listfengi eftir sýningu á skrímslamynd sinni The Host í Háskólabíói í kvöld. Bong mun ekki eiga heimangengt en mun spjalla við gesti gegnum fjarfundarbúnað.
Frédéric Boyer stýrir umræðunum og verður tengiliður gesta í sal við Bong, en einnig verður kóreskur túlkur á línunni sem miðlar spurningum beint til leikstjórans.
The Host er sýnd klukkan 19:45 í Háskólabíó 1 og verðlaunaafhendingin hefst beint í kjölfarið.
Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni.
Vefurinn fór í loftið haustið 2013. Ritstjóri er Ásgrímur Sverrisson.
Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.
