Klapptré hefur þegar skýrt frá leikstjórnarverðlaunum myndarinnar á Evrópsku kvikmyndahátíðinni í Palic í Serbíu, en sömu helgi fékk myndin einnig tvenn verðlaun á kvikmyndahátíðinni Cinehill í Króatíu, annarsvegar aðalverðlaun hátíðarinnar og hinsvegar verðlaun gagnrýnenda.
Danilo Šerbedžija, formaður dómnefndar sagði að
“dómnefndin fagnar myndinni fyrir ljóðræna og hógværa kvikmyndalist. Fyrir fíngerðan leik og frásagnarlist, þar sem tekist er á við óvænt drama með þeim hætti að sagan og frumlegar persónur fanga áhorfendur.”
Alþjóðleg samtök kvikmyndagagnrýnenda veitu einnig kvikmyndinni verðlaun. Formaður dómnefndar, Mike Naafs, lét eftirfarandi orð falla við verðlaunaafhendinguna:
“Þessi einkar tilfinningaþrungna og áhrifaríka mynd heillaði okkur með frábærri leikstjórn auk þess hvernig myndin skapar lástemmt en harmþrungið andrúmsloft og áhugaverða aðalpersónu. Sterk skilaboð sem benda áhorfandanum á að skyndilegt högg örlaganna geti breyta lífi fólks að eilífu.”
