Myndinni er svo lýst:
Dimmalimm er lauslega byggð á leikritinu Medeu eftir Euripides. Hinn forni harmleikur byggði á mýtunni um Jason og Medeu og fór fyrst á svið árið 431 fyrir Krist. Þetta er klassísk saga og þemað á enn full erindi. Medea er útlendingur sem svikin er af manni sínum Jason með þeim afleiðingum að hún missir vitið. Í Dimmalimm er Medea íslensk 35 ára gömul kona sem kemur heim af geðsjúkrahúsi og lokar sig inni íbúð í Vínarborg. Þetta er dramatísk myndum íslenska konu að glíma við geðveiki í erlendri borg.
“Í nokkur misseri var sífellt verið að loka okkur inn í íbúð með dætrum okkar þegar við bjuggum í Vín,” útskýrir Mikael um tilurð myndarinnar. “Svo við þriðja lockdown ákváðum við að gera eitthvað í stað þess að horfa á Netflix og ég settist niður og skrifaði handrit að bíómynd sem við skutum saman í íbúðinni okkar.”
Dætur Mikaels og Stefaníu, Ísold og Ída Berndsen, fara einnig með hlutverk í myndinni.
Hjónin bjuggu í Vínarborg þar sem Stefanía var fastráðinn leikkona við Burgtheater í Vín. Þau skipta nú tíma sínum milli Hollywood og Chicago eftir að hafa flutt til Bandaríkjanna ásamt dætrum sínum.
Dimmalimm var á dögunum frumsýnd á kvikmyndahátíðinni í San Diego.
Myndin er sýnd í Bíó Paradís.
